పని ప్రదేశాల్లో మహిళలపై వేధింపులకు పాల్పడితే కఠిన చర్యలు
పోష్ చట్టం అమలులో నిర్లక్ష్యం వహిస్తే సహించేది లేదు: డాక్టర్ అనితా రెడ్డి
హనుమకొండ, అక్టోబర్ 14 (ప్రజానేస్తం జ్వాల):పని ప్రదేశాల్లో మహిళలపై లైంగిక వేధింపులకు పాల్పడితే చట్టప్రకారం కఠిన చర్యలు తప్పవని పోష్ కమిటీ కన్వీనర్ డాక్టర్ అనితా రెడ్డి హెచ్చరించారు. మహిళా ఉద్యోగులకు రక్షణ కల్పించడం, వారి ఆత్మగౌరవాన్ని కాపాడటం ప్రతి సంస్థ యాజమాన్యం బాధ్యత అని స్పష్టం చేశారు. బుధవారం హనుమకొండలోని సుబేదారిలో ‘పని ప్రదేశాల్లో మహిళలపై లైంగిక వేధింపుల నిరోధక చట్టం–2013’ (పోష్ చట్టం)పై నిర్వహించిన అవగాహన, సమీక్షా సమావేశంలో ఆమె ముఖ్య అతిథిగా పాల్గొని మాట్లాడారు.
మహిళలకు భద్రమైన పని వాతావరణం కల్పించాలి
ప్రభుత్వ, ప్రైవేటు సంస్థల్లో మహిళా ఉద్యోగులు ఎలాంటి భయం, ఒత్తిడి లేకుండా ఆత్మగౌరవంతో విధులు నిర్వర్తించేలా యాజమాన్యాలు చర్యలు తీసుకోవాలని డాక్టర్ అనితా రెడ్డి సూచించారు. ప్రతి అర్హ సంస్థలో చట్ట నిబంధనల ప్రకారం అంతర్గత ఫిర్యాదుల కమిటీ (ఇంటర్నల్ కమిటీ) ఏర్పాటు చేయడం తప్పనిసరి అని పేర్కొన్నారు. కమిటీ సభ్యుల పేర్లు, వివరాలను ఉద్యోగులకు స్పష్టంగా కనిపించే ప్రదేశాల్లో ప్రదర్శించాలని సూచించారు. మహిళా ఉద్యోగులు తమ సమస్యలను నిర్భయంగా వెల్లడించి ఫిర్యాదు చేసేలా తగిన సదుపాయాలు కల్పించాలని, ఫిర్యాదుల పెట్టెలను ఏర్పాటు చేయాలని తెలిపారు.
ఫిర్యాదుల పరిష్కారానికి ప్రాధాన్యం ఇవ్వాలి
పని ప్రదేశాల్లో మహిళలపై వేధింపులను అరికట్టేందుకు ప్రతి సంస్థ బాధ్యతాయుతంగా వ్యవహరించాలని ఆమె పేర్కొన్నారు. పోష్ చట్టంపై ఉద్యోగులకు అవగాహన కల్పించడంతోపాటు, ఫిర్యాదుల పరిష్కారానికి చట్టబద్ధమైన విధానాలను అమలు చేయాలని సూచించారు. మహిళలకు గౌరవం, భద్రత కల్పించే పని సంస్కృతిని పెంపొందించడం ద్వారా వేధింపులు లేని సమాజ నిర్మాణానికి ప్రతి ఒక్కరూ కృషి చేయాలని డాక్టర్ అనితా రెడ్డి పిలుపునిచ్చారు.
హనుమకొండ, అక్టోబర్ 14 (ప్రజానేస్తం జ్వాల):పని ప్రదేశాల్లో మహిళలపై లైంగిక వేధింపులకు పాల్పడితే చట్టప్రకారం కఠిన చర్యలు తప్పవని పోష్ కమిటీ కన్వీనర్ డాక్టర్ అనితా రెడ్డి హెచ్చరించారు. మహిళా ఉద్యోగులకు రక్షణ కల్పించడం, వారి ఆత్మగౌరవాన్ని కాపాడటం ప్రతి సంస్థ యాజమాన్యం బాధ్యత అని స్పష్టం చేశారు. బుధవారం హనుమకొండలోని సుబేదారిలో ‘పని ప్రదేశాల్లో మహిళలపై లైంగిక వేధింపుల నిరోధక చట్టం–2013’ (పోష్ చట్టం)పై నిర్వహించిన అవగాహన, సమీక్షా సమావేశంలో ఆమె ముఖ్య అతిథిగా పాల్గొని మాట్లాడారు.
మహిళలకు భద్రమైన పని వాతావరణం కల్పించాలి
ప్రభుత్వ, ప్రైవేటు సంస్థల్లో మహిళా ఉద్యోగులు ఎలాంటి భయం, ఒత్తిడి లేకుండా ఆత్మగౌరవంతో విధులు నిర్వర్తించేలా యాజమాన్యాలు చర్యలు తీసుకోవాలని డాక్టర్ అనితా రెడ్డి సూచించారు. ప్రతి అర్హ సంస్థలో చట్ట నిబంధనల ప్రకారం అంతర్గత ఫిర్యాదుల కమిటీ (ఇంటర్నల్ కమిటీ) ఏర్పాటు చేయడం తప్పనిసరి అని పేర్కొన్నారు. కమిటీ సభ్యుల పేర్లు, వివరాలను ఉద్యోగులకు స్పష్టంగా కనిపించే ప్రదేశాల్లో ప్రదర్శించాలని సూచించారు. మహిళా ఉద్యోగులు తమ సమస్యలను నిర్భయంగా వెల్లడించి ఫిర్యాదు చేసేలా తగిన సదుపాయాలు కల్పించాలని, ఫిర్యాదుల పెట్టెలను ఏర్పాటు చేయాలని తెలిపారు.
ఫిర్యాదుల పరిష్కారానికి ప్రాధాన్యం ఇవ్వాలి
పని ప్రదేశాల్లో మహిళలపై వేధింపులను అరికట్టేందుకు ప్రతి సంస్థ బాధ్యతాయుతంగా వ్యవహరించాలని ఆమె పేర్కొన్నారు. పోష్ చట్టంపై ఉద్యోగులకు అవగాహన కల్పించడంతోపాటు, ఫిర్యాదుల పరిష్కారానికి చట్టబద్ధమైన విధానాలను అమలు చేయాలని సూచించారు. మహిళలకు గౌరవం, భద్రత కల్పించే పని సంస్కృతిని పెంపొందించడం ద్వారా వేధింపులు లేని సమాజ నిర్మాణానికి ప్రతి ఒక్కరూ కృషి చేయాలని డాక్టర్ అనితా రెడ్డి పిలుపునిచ్చారు.